Sportbílaunnendur hafa ekki allir tekið því með ró þegar fregnir bárust af því að Mazda hygðist hætta framleiðslu á RX-8 enda er RX-8 afar nýstárlegur bíll, útbúinn hinni frægu Wankel vél og hurðum sem opnast frá miðju. Mazda fer nefnilega ekki troðnar slóðir þegar kemur að hönnun og það kunna harðkjarna ökumenn að meta. Harðkjarna ökumenn vilja hinsvegar helst hafa RX-8 áfram og Mazda virðist ætla að verða við þeim óskum með því að framleiða 1000 bíla til viðbótar.

Mazda CX-5 fyrir Bandaríkjamarkað var útnefndur „öruggt val“ fyrir árið 2012. Með því fékk hann hæsta mögulega skor úr árekstrarprófum sem framkvæmdar voru af Umferðaröryggisstofnun Bandaríkjanna (IIHS).

Laugardaginn 24. mars forsýnir Brimborg nýjan sportjeppa, Mazda CX-5 4WD. Þessi bíll er nýjasta sönnun þess að hugmyndafræði Mazda fer ótroðnar slóðir í leit að neytendamiðuðum úrræðum og skilvirkum lausnum.